Бүгін – халықаралық қар барысы күні. Бұл Қызыл кітапқа енген аң. Біздің елде 190 шамасында қар барысы бар. Мұны таяуда Мемлекет басшысы Қасым-Жомарт Тоқаев Ереванда өткен экология саммитінде айтты. Қар барысы Тәңір тау ғана емес, Алтай тауларында да көбеюге тиіс, деп хабарлайды 24KZ.
Қазір 11-і Катонқарағайдағы ұлттық паркте тіршілік етеді. Солардың біріне жақында ғана спутниктік қарғыбау салынды. Алан шамамен 2 жарым-үш жаста. Мамандар бұл жыртқышты «Алтай» деп атапты. Спутниктік қарғыбау Алтайдың қайда жүргенін, қай аумақтарды мекендейтінін көрсетеді.
Жомарт Аманбаев, Катонқарағай ұлттық табиғи паркі Аршаты орманшылығының орманшысы:
–Зоология институты мамандарымен зерттеу жұмыстары басталып кетті. Жаңағы қанын алу, салмағын өлшеу, ұзындығын өлшеу, белгі салу, қарғыбауды тамағына өлшеу деген сияқты. Бұл – енді Катонқарағай үшін, жалпы ұлттық парк үшін өте үлкен жетістіктің бірі.
Тегтер #Қар барысы #Катонқарағай #ұлттық парк #ТаңдаулыPhone: +7 (7172) 757 485
E-Mail: 24kz@khabar.kz