Израильдің Рафахқа шабуылы кейінге қалуы мүмкін

Израиль армиясының Рафах қаласына шабуылы тұтқын алмасу келісіміне байланысты кейінге қалуы мүмкін.

Бірақ әскери операция түптің түбінде бәрібір ұйымдастырылады. Бұл туралы ел премьер-министрі Беньямин Нетаньяху мәлімдеді.

Оның айтуынша, Рафах ХАМАС-тың соңғы бекінісі саналады. Бұл қалада 6 батальон жасырынып отыр. Сондықтан жеңіске жету үшін қозғалысты толығымен құрту керек.

Қазір екі тарап тұтқын алмасу бойынша келіссөз жүргізіп жатыр. Оған Қатар, Египет пен АҚШ елдері ара ағайындық жасап отыр.