Қытайда жауын соңы лай көшкініне ұласты

Осы кезде Қытайдың оңтүстігінде нөсер соңы тасқын мен лай көшкініне ұласты.

Аймақта қауіптіліктің жоғары деңгейі жарияланды. Әсіресе Гуандун провинциясындағы жағдай қиын. Мұнда жауын-шашын мол түскен. Тұрғындар бұрын соңды мұндай жаңбыр болмағанын айтады. Әйтеуір адамдар аман. Бірақ өңірде көлік атаулы тоқтаған. Егіс алқаптарын су басып, диқандарға айтарлықтай шығын келді.