Италия ұшқыш робот жасады

Италия ғалымдары ұшатын робот жасады.

Адам тақылеттес құрылғыға 4 реактивті қозғалтқыш орнатылған. Екеуі арқасында, екеуі - қолдарында тұр. Роботтың өзі - 70 келі. Әйтсе де қиналмай ұшады. Ол келешекте құтқарушыларға көп пайдасын тигізеді дейді ғалымдар.

Даниэль Пуччи, жоба жетекшісі:
- Роботты табиғат апаттары кезінде қолдануға болады. Өйткені адамдардың қатынуы, не жұмыс істеуі үшін қиын аймақтар болады. Сонда технологияны қашықтан басқара аламыз. Сөйтіп робот іздестіру-құтқару операцияларына қатысып, тірі қалған адамдардың жағдайы туралы мәлімет жинай алады.