Израиль Ливан жерінде әскери операция жүргізеді

Израиль Ливандағы «Хезболла» ұйымына қарсы құрлық операциясын өткізуге дайындалып жатыр.

Бұл туралы Израиль әскері бас штабының басшысы Герци Халеви мәлімдеді. Осының алдында резервтегі сарбаздар шақырылған. Олар 2 бригадаға біріктірілді. Сарапшылар "бұл тұрақты әскерге құрлық операциясын жасауға мүмкіндік береді" дейді. Кешеден бері Израиль «Хезболланың» 280 нысанын талқандаған.

Герци Халеви, Израиль әскері бас штабының басшысы:

"Біз ұшақпен күнде соққы жасап жатырмыз. Ливан аумағына кіріп, «Хезболланы» түбірімен жоюға әзірлік жасап жатырмыз. Мақсат айқын - азаматтарымызды үйіне қайтару үшін солтүстік аймақта тыныштық орнату."