Ливанда БҰҰ-ның тағы бір сарбазы жараланды

Израильдің Ливандағы Рамия ауылына шабуылы кезінде Біріккен ұлттар ұйымы бітімгерлерінің сарбазы жарақат алды.

Мұндай жағдай бір емес бесінші рет болып тұр. Халықаралық бекітілген тәртіп бойынша қақтығыс алаңында жүрген бітімгерлерге қастандық жасауға болмайды. Осыған байланысты Франция, Италия, Испания Израильдің әрекетін сынға алды. АҚШ президенті Джо Байден де бітімгерлердің қауіпсіздігін сақтауға шақырды. Ал Израиль Біріккен Ұлттар Ұйымына Ливаннан сарбаздарын дереу шығаруын сұрап отыр.