БҰҰ: Израиль әскері бітімгерлер мұнарасын атқылады

Израиль армиясы Ливанның оңтүстігіндегі БҰҰ күштерінің тағы бір позициясына шабуыл жасады.

ЮНИФИЛ-дің хабарлауынша, израильдік танк Кфар-Кила қаласы маңындағы бітімгерлер базасының күзет мұнарасын атқылаған. Шабуыл қасақана жасалған көрінеді. Соның салдарынан мұнараға зақым келіп, бейнекамералар бұзылған. Израиль: ««Хезболла» жасақтары бітімгерлер базасына жақын жерде ұрыс жүргізіп, оларды қалқан ретінде пайдаланып жатыр», – дейді.