Трампқа барлау қызметінің деректерімен танысуға рұқсат берілді

АҚШ-тың жаңадан сайланған президенті Дональд Трамп барлау қызметінің деректерімен танысуға рұқсат алды.

Зэ Вашингтон Пост ((The Washington Post)) басылымының хабарлауынша, қызметкерлер Американың 47-президенті үшін тұрақты түрде брифинг өткізіп, құпия мәліметтермен таныстыра бастаған. Жаңадан сайланған мемлекет басшыларына арналған мұндай кездесулер 1952 жылдан бері өтіп келеді. Десе де, Трамп өзінің сайлауалды науқаны кезінде бұған қарсы екенін жеткізген болатын.