Трамп саясаты көрші елдермен арадағы сауда соғысына әкеп соқтыра ма?

Егер Дональд Трамп АҚШ-қа Канададан келетін тауарларға салығын салатын болса, біз жауап ретінде америкалық мұнай мен уранға салық енгіземіз. Ресми Оттава осындай мәлімдеме жасады.

Бұған дейін Трамп өз қызметіне кірісе салысымен құрлықтағы көрші елдерден – Канада мен Мексикадан келетін тауарлардың бәріне 25% мөлшерінде баж салығын салатынын айтқан. Жаңадан сайланған президент мұндай ойымен әлеуметтік желідегі парақшасында бөліскен. Саясаткер: «Бұл көрші елдерден келетін есірткі тасымалын тоқтатып, заңсыз мигранттармен күрес үшін қажет», – дейді. Бірақ сарапшылар мұның бәрі арадағы сауда соғысына әкеп соқтыруы мүмкін екенін ескертеді.