Башар Асадтың әйелі ажырасуға арыз берді

Сирияның бұрынғы президенті Башар Асадтың зайыбы Асма Асад ажырасуға арыз берді.

Оған Мәскеудегі өмір ұнамаған. Сирияның бұрынғы бірінші ханымы осыған байланысты Лондонға қоныс аудармақ. Асма Асад некесін бұзу үшін ресейлік сот органдарына жүгінген. Десе де оның арызы әлі қарастырылмаған. Түркиялық A Haber телеарнасының мәліметі бойынша Асма бұл мәселеде біраз қиындыққа тап болуы мүмкін. Себебі еуропалық мемлекеттер мен халықаралық ұйымдар оның активтерін бұғаттап, сапарлауына тыйым салған.