Путин Әлиевке ұшақ апатына байланысты көңіл айтты

Ресей президенті Владимир Путин Әзербайжан президентіне ұшақ апатына байланысты телефон арқылы көңіл айтты.

Бұл туралы Кремльдің ресми өкілі Дмитрий Песков журналистерге хабарлаған.

ЦИТАТА: "Өкінішке қарай, Әзербайжан президенті Ильхам Әлиев Санкт-Петербордан кетуге мәжбүр болды. Путин онымен сөйлесіп, Ақтауда әзербайжан ұшағының апатқа ұшырауына байланысты көңіл айтты. Біз осы әуе апатында туған-туысқанын жоғалтқандардың қайғысына ортақпыз."  

Дмитрий Песков, РФ Президентінің баспасөз хатшысы