Кореядағы ұшақ апаты: қара жәшік АҚШ-қа жіберіледі

Оңтүстік Кореяда апатқа ұшыраған ұшақтың қара жәшігі АҚШ-қа жіберіледі. Көлік министрлігі осындай шешім қабылдады.

Жексенбі күні Jeju Air әуе компаниясына тиесілі ұшақ Муан әуежайына қону кезінде ұшу-қону жолағынан шығып, қоршауға соғылып, апатқа ұшыраған еді. Салдарынан 179 адам опат болды. 2 кісі ғана аман қалды. Құзырлы органдардың алдын ала мәліметі бойынша әуе кемесіне құстардың соқтығысуынан шасси дұрыс жұмыс істемей қалған.