Газа секторында Израиль әскерінің шабуылынан 73 адам қаза тапты

Газа секторында Израиль шабуылдарынан кейінгі 1 тәулікте 73 адам қаза тапты, деп хабарлайды 24kz.

Олар босқындар тұрып жатқан Эль-Бурейдж бен әл-Фараби мектебіне жасалған соққы кезінде көз жұмған. Бұл туралы «әл-Жазира» хабарлады. Израиль Газадағы білім ордаларында ХАМАС өкілдері жасырынған деп есептейді. Сондықтан мектептерді жиі нысанаға алып, атқылайды. Соның салдарынан аймақтағы білім ошақтарының 88%-і тас-талқаны шыққан.