Малайзияда газ құбыры жарылып, 112 адам жараланды

01.04.2025, 14:06 575

Малайзия астанасы Куала-Лумпурға жақын маңда газ құбыры жарылып, 112 адам жараланды, деп хабарлайды 24kz.

Денесін қатты күйік шалып, уланған 62-сі ауруханаға жатқызылған. Қазір қауіпті аумақтағы тұрғындар шұғыл көшіріліп жатыр. Ақпарат құралдары 49 үйдің отқа оранғанын хабарлады. Өрт әлі сөндірілген жоқ. Себебі әзірге белгісіз. Газ құбыры Petronas мемлекеттік энергетикалық компанияға тиесілі екен.