Бостон тұрғындары Трамптың тариф саясатына қарсы шықты

АҚШ-та Бостон тұрғындары қала көшелеріне шығып, наразылық танытты, деп хабарлайды 24kz.

Жұрттың ашуын тудырған басты мәселе – азық-түлік бағасы. Дональд Трамптың импортқа баж салығын көтеру туралы жарлығынан кейін баға шарықтаған.

Жиылған жұрт: «Ақ үй басшысының тариф саясатынан жұмыс орындары қысқарып, экономика әлсірейді», - деп санайды. Білікті қаржыгерлердің топшылауынша, баға 6%-ке өсуі мүмкін. Салдарынан екі айда елді қайта қымбатшылық жайлауы мүмкін.

Наразылық шарасына қатысушы:

- Азық-түлік бағасы көтеріледі. Өйткені бізде теңіз өнімдерінің 79-85%-і сырттан келеді. Сауда-саттық пен саясатты араластырмау керек. Американың болашағы бұлыңғыр болып барады.

Тегтер #АҚШ #Трамп саясаты #тариф саясаты #шеру