Ресейдің Забайкалье өлкесінде 7 бірдей елді мекенде орман өрті дес бермей тұр. Әсіресе Чита аймағында жағдай қиын. Мұнда 2 мың гектарға жуық жер отқа оранып, төтенше жағдай жарияланды.
Тілсіз жаудың әзірге 11 ошағы сөндірілген. Мамандар қатты жел жағдайды қиындатып тұр дейді. Отты сөндіруге 60-қа жуық құтқарушы жұмылдырылған. Бұдан бөлек, Дағыстанда да орман өртеніп жатыр. Мұнда от таулы алқаптан шыққан. Өрт сөндіруге 320 құтқарушы тартылды.
Әлисұлтан Қасбұлатов, Ресей Төтенше жағдайлар министрлігі іздестіру-құтқару тобының орынбасары:
- Таулы аймақ болғандықтан, өрт шыққан жерге жету қиын. Тілсіз жауды ауыздықтауға жел де кедергі келтіріп тұр. Енді «Өртті отпен басу» тәсілін қолданбақпыз.
Тегтер #Ресей #орман өрті #төтенше жағдай #24KZPhone: +7 (7172) 757 485
E-Mail: 24kz@khabar.kz