Оңтүстік Африка Республикасының оңтүстік-батысында 3 мың гектар орман күлге айналды.
Мамандар тәулік бойы өртті сөндіре алмай әлек. Бұған желдің екпіні кедергі келтіріп тұр. Тілсіз жаудан «Үстел тауы» ұлттық паркі қатты зиян шеккен деп хабарлайды Ассошиэйтед пресс агенттігі. Бұл жерде бір түнде өрттің 3 ошағы анықталды. Әзірге опат болғандар мен зардап шеккендер туралы ақпарат жоқ. Қазір өртті сөндіруге 250 маман мен 4 тікұшақ жұмылдырылды. Тұрғындарды эвакуациялау жұмыстары жалғасып жатыр.
Тегтер #хабар24 #жаңалықтар #орман өрті #тілсіз жауPhone: +7 (7172) 757 485
E-Mail: 24kz@khabar.kz