Ұшақ апатынан кейін Boeing акциялары 8% арзандады

Америкалық Boeing бірлестігінің акциялары 8% арзандады. Үндістандағы ұшақ апатынан кейін инвесторлар арасында дүрбелең басталды. Салдарынан компания құнды қағаздарының бағасы 197 долларға дейін түсті. Мұндай құлдырау кейінгі бір жылда тіркелген емес.

Сарапшылар: «Апат кезінде Boeing-787 әуе көлігінің қозғалтқыштары істен шықты», – дейді. Бұл оларды шығаратын General Electric компаниясының атына да нұқсан келтірді. Оның акциялары 5,5% төмендеді.

Кеше Ахмедабад қаласынан Лондонға бет алған Boeing-787 әуе көлігі жерден көкке көтеріле алмай, бірер секунд ішінде медициналық колледж жатақханасының үстіне құлап, 290-нан аса адам опат болды.

Тегтер #ұшақ апаты #Үндістан #24KZ