Нигерияның Адамава штатында ақжауынның соңы тасқынға ұласты, деп хабарлайды 24kz.
Жаңбыр бірнеше күннен бері төпеп тұр. Тоқтайтын да түрі көрінбейді. Өңірде алапат су 25 адамның өмірін қиды. 50-ден астамы жарақат алған. Тағы 11-і ұшты-күйлі жоғалып кетті. Табиғат апатынан 6 мыңға жуық тұрғын үйінен безіп шыққан. Билік шұғыл уақытша паналау орындарын құрып, зардап шеккендерді эвакуациялады. Мамандардың айтуынша, кейінгі жылдары Нигерияда климаттың өзгеруінен құрғақшылық ұзаққа созылып, есесіне жаңбырлы маусымда жауын-шашын тым жиілеп кеткен. Мамыр айында осы елдегі Нигер штатында тасқыннан 200-ден астам адам опат болған еді.
Тегтер #Нигерия #су тасқыны #жауын шашын #табиғи апатPhone: +7 (7172) 757 485
E-Mail: 24kz@khabar.kz