Газа секторында бір тәулікте 51 адам қаза тапты

Израиль күштерінің әуе шабуылынан Газа секторында кейінгі бір тәулікте 51 адам бақилық болды, деп хабарлайды 24kz.

Тағы 370-ке жуығы жараланды. The Associated Press агенттігінің мәліметі бойынша марқұмдардың 17-сі гуманитарлық көмек тарату орталығының жанында өлім құшты. Еврей билігі болса, азық-түлік алуға келген халыққа оқ атқаны туралы ақпарды жоққа шығарды. «Әскер ХАМАС-тың жоғары лауазымды мүшесін мерт қылды. Сондай-ақ Бейт-Ханун қаласында қозғалыстың жерасты инфрақұрылымдарын бомбалап, қару-жарақ қоймаларын жойды», - дейді.

Тегтер #Газа секторы #Израиль #әуе шабуылы #ХАМАС