АҚШ Кариб бассейніндегі әскери белсенділігін арттырып жатыр.
Ньюсуик ((Newsweek)) басылымының хабарлауынша, АҚШ Венесуэла шекарасына тағы бес әскери ұшақ жіберген. Бұл Эм-Си 130 Джей ((MC-130J)) үлгісіндегі арнайы ұшақтар. Әдетте қарсылас аумағына жасырын кіру, әскерилерді эвакуациялау немесе әуедегі тікұшақтарға жанармай жеткізу сынды құпия операцияларда қолданылады. АҚШ-тың аймақтағы бақылауды күшейтуі тамыздан бері жалғасып келеді. Ол кезде Вашингтон Венесуэла жағалауына әскери және десанттық кемелерді, сондай-ақ Джеральд Форд ((Gerald R. Ford)) ұшақ тасығыш кемесінің жетекшілігіндегі ірі соққы тобын орналастырған еді. Ал қарашада бұл аймақтағы американдық әскер саны 16 мың адамға жетті. Бүгінде екі тараптың қарым-қатынасы күрделі. АҚШ президенті Дональд Трамп алдағы уақытта әскерін құрлыққа да өткізуі мүмкін екенін айтты.
Тегтер #АҚШ #Кариб теңізі #24KZPhone: +7 (7172) 757 485
E-Mail: 24kz@khabar.kz