АҚШ операциясы кезінде 32 кубалық көз жұмды

АҚШ-тың Венесуэлада жүргізген операциясы кезінде 32 кубалық азамат көз жұмды.

Бұл туралы Куба билігі хабарлады. Осыған байланысты ел президенті Мигель Диас-Канель қаза болғандардың отбасыларына көңіл айтып, 2 күндік аза тұту жариялады. Айта кетейік, 3 қаңтар күні АҚШ Венесуэлада ірі әскери операция жүргізіп, ел президенті Николас Мадуро мен жұбайы Силия Флоресті тұтқындаған еді. Қазір олар заңсыз есірткі саудасы мен лаңкестікке байланысты айыптармен Нью-Йорк түрмесінде федералды сот отырысын күтіп отыр.

Тегтер #хабар24 #жаңалықтар #АҚШ #Венесуэла #Куба