Мұнай жобаларына 1,4 млрд доллар салады

Венесуэла мұнай жобаларына 1,4 миллиард доллар инвестиция салады. Бұл өнімді бөлісетін келісім-шарттар негізінде іске аспақ. 

Ел президентінің міндетін атқарушы Делси Родригес мемлекеттік мұнай компаниясының штаб-пәтерінде осы саланың басшылары, заңгерлер және депутаттармен кездесуде осылай деп мәлімдеді. Сондай-ақ жиналғандар «қара алтын» заңнамасына қатысты реформа жүргізу барысын талқылаған. Осының алдында АҚШ-тың Қаржы министрі Дональд Трамп әкімшілігі Венесуэла үкіметіне қарсы салынған санкцияларды біртіндеп алатынын және еркін, әділ сайлау өтетінін жеткізді. 

Делси Родригес, Венесуэла президентінің міндетін атқарушы:

- Осы сәтке дейін 29 бірлескен келісім-шарттарға қол қойылды. Былтыр инвестиция көлемі 900 миллион доллар болды. Биылғы мұнай өндіру көлемі былтырғымен салыстырғанда 18 пайызға артады. Біз АҚШ-пен құрметке негізделген қарым-қатынас жасаудан қорықпаймыз.

Тегтер #Венесуэла #мұнай #жоба