Әлемде мұнай бағасы қымбаттады

Әлемде мұнай бағасы тағы қымбаттады. Рейтер агенттігінің мәліметіне сүйенсек, Brent маркалы қара алтын құны барреліне 105 долларға дейін өсті.

Ал америкалық WTI 99 долларға дейін көтерілді. Жалпы өсім 4 доллардан асты. Сарапшылар нарықтың құбылуы жақын арада басылмайды деп топшылайды. Бұған дейін Тегеран соғысты тоқтату үшін өтемақы талап етіп, Ормуз бұғазын толық бақылауда ұстау жөнінде шарт ұсынған еді. Алайда Трамп бұл ұсыныстарды қабылдамады. Сарапшылар осы аптаға жоспарланған АҚШ пен Қытай көшбасшыларының келіссөздерінен кейін жағдай өзгеруі мүмкін екенін айтады.

Тегтер #хабар24 #жаңалықтар #мұнай #нарық