Былтыр Қазақстаннан Иранға экспортталған агроөнеркәсіп өнімдерінің көлемі екі есеге жақын артып, 238 млн АҚШ долларына жетті.
Бұл туралы Ауыл шаруашылығы министрі Айдарбек Сапаров пен Иран Ислам Республикасының Өнеркәсіп, кен өндіру және сауда министрі Сейед Мохаммад Атабактың қатысуымен өткен жиында айтылды. Тараптар өзара сауда және инвестициялық әріптестікті нығайту мәселелерін талқылады. Соның ішінде Иранға астық экспорттау, халықаралық ветеринария және халал стандарттарына сәйкес келетін мал етін жеткізу мәселелеріне ерекше назар аударылды. Бұған қоса, Айдарбек Сапаров ирандық инвесторларды ауыл шаруашылығы өнімдерін өндіру және терең өңдеуге арналған жобаларды іске асыруды ұсынды.
Тегтер #Иран #экспорт #агроөнімPhone: +7 (7172) 757 485
E-Mail: 24kz@khabar.kz