Ливанның оңтүстігінде қарулы қақтығыстың тоқтайтын түрі жоқ.
Мұны "Рейтер" агенттігі хабарлады. Кеше Тель-Авив пен Бейрут билігі оқ атпауға уағдаласқан еді. Алайда, "Хезболла" келісім талаптарын орындамайтынын мәлімдеді. Қозғалыстың жетекшісі Наим Касем "әуелі ЦАХАЛ Ливан аумағынан әскерін шығарсын" деп отыр. Бұдан соң Израиль Қорғаныс министрі Исраэль Кац көрші елдегі әскери операцияны тоқтатпайтынын жеткізді. Хезболланың мәлімдемесінен кейін АҚШ-Иран келіссөзі тығырыққа тірелді. Осыған дейін Президент Трамп бейбіт келісімнің ауылы алыс емес деген еді. Ал Тегеран билігі әзірге нақты нәтиже көрінбейтінін мәлімдеді.
Тегтер #Таңдаулы #Ливан #қарулы қақтығыс #24KZPhone: +7 (7172) 757 485
E-Mail: 24kz@khabar.kz