Венесуэлада жойқын 2 жер сілкінісінен опат болғандар саны 3685 адамға жетті.
Бұл туралы "Рейтер" агенттігі хабарлаған. Сонымен қатар із-түзсіз жоғалғандар санында үлкен айырмашылық болып тұр. Елдегі азаматтық ұйым билік 25 маусымнан бері хабар-ошарсыз кеткендер туралы ақпаратты жаңартпағанын айтады. Үкімет ол кезде 157 адамның табылмай отырғанын мәлімдеген еді. Ал азаматтық ұйым ұшты-күйлі жоғалғандар туралы 31 мың хабардың келіп түскенін алға тартады. Жараланғандар қатары 16 мың 800-ге жуықтаған. Жалпы 190 ғимарат жермен-жексен болды. Үкімет апат аймақтарына 30 мыңға жуық сарбаз бен полиция жіберген. Бірақ ауыр техника өте тапшы. Сондықтан қирандыларды аршып, астындағы адамдарды шығару ісі баяу жүріп жатыр.
Тегтер #Венесуэла #жер сілкінді #қаза тапқандар #24KZ #ТаңдаулыPhone: +7 (7172) 757 485
E-Mail: 24kz@khabar.kz