Бішкектегі «Манас» халықаралық әуежайында TezJet ұшағы апатқа ұшырады, деп хабарлайды «24KZ».
Алдын ала мәлімет бойынша, ұшақтың артқы шассиі ұшу кезінде істен шығып, ұшақ сол қанатына еңкейіп, ұшу-қону жолағына құлап түскен.
Авиаотын төгілді, өрт сөндіру қызметі оқиға орнында, – деді әуе компанияның баспасөз қызметі.
Бортта 181 жолаушы (152 ересек, 11 жасөспірім және 18 бала) және алты экипаж мүшесі болғаны хабарланды. Барлық жолаушылар ұшақтан тез арада эвакуацияланды. Оқиға салдарынан ауыр жарақат алғандар болған жоқ.
«Бірнеше адам жеңіл жарақат алды, фельдшерлер әуежай терминалының бірінші қабатында, Ош секторының келушілер аймағында алғашқы медициналық көмек көрсетіп жатыр. Өрт сөндірушілер мен әуежайдың төтенше жағдайлар қызметі оқиға орнында жұмыс істеп жатыр. Қазіргі уақытта «Манас» халықаралық әуежайындағы барлық рейстер уақытша тоқтатылды, – деп атап өтті компания өкілдері.
Қырғызстан Республикасының Азаматтық авиация жөніндегі мемлекеттік агенттігі де апаттың себебі мен мән-жайын тексереді.
«Манас» халықаралық әуежайы кешкі сағат 22:00-ге дейін жабық болды.
«24KZ» Telegram-арнасына жазылыңыз
Тегтер #Қырғызстан #ұшақ апаты #24жаңалықтар #24KZPhone: +7 (7172) 757 485
E-Mail: 24kz@khabar.kz