Түркияда діни ұйым мүшесінен 200 келі алтын тәркіленді

Түркияда «Сүлейменшілер» деп аталатын діни ұйым тергеуге ілікті. Оған басты күдік – ұйым пайда табу мақсатында құрылған болуы мүмкін.

Ауқымды операция барысында бірлестік жетекшісі Әлихан Күрішпен қоса тағы 38 мүшесі ұсталды. Ал жетекшінің бауыры – Хилми Туна Күріштің үйінен салмағы 200 келі құйма алтын табылды. Оның құны 1 млрд 340 млн түрік лирасына бағаланды. Енді күдіктілермен байланысы бар компаниялардың қаржылық операциялары тексеріліп жатыр.

Тегтер #Түркия #діни ұйым #алтын