Германияда аптаптан 15 мың адам көз жұмды

Германияда биылғы жазда аптап ыстықтан 15 мың 800-ден астам адам қайтыс болды. Мұндай мәліметті Роберт Кох институты хабарлады.

Бұл 1992 жылдан бергі ең жоғары көрсеткіш. Марқұмдардың 12 мыңы 75 жастан асқан қарттар. Мамандардың айтуынша, температура жазда екі рет күрт көтерілген. Біріншісі маусымның соңында, екіншісі шілденің аяғы мен тамыздың ортасында. Бұған дейін аптап ыстықтан өлім-жітім 1994 жылы көп тіркелген еді. Ол кезде ми қайнатар аптаптан 10 мыңнан аса тұрғын көз жұмған.

Тегтер #хабар24 #жаңалықтар #Германия #аптап ыстық