Азия қор нарығы жоғары өсім көрсетті

Азия қор нарығы аптаны жоғары өсіммен бастады.

Бұл туралы Рейтер агенттігі хабарлайды. Жапонияның Никкей ((Nikkei)) индексіне арналған фьючерстер 0,5 пайызға өсті. Оңтүстік Кореяның негізгі қор индексі Коспи ((KOSPI)) 1,1 пайызға артқан. Сарапшылар бұл үрдісті бірнеше фактормен түсіндіреді. Оның бірі мұнай бағасының шамамен 2 пайызға төмендеуі. Ал екінші себеп жасанды интеллект технологиялары мен чиптерге деген сұраныстың жоғарылауы. Американдық технологиялық сектор жанданғаннан кейін жартылай өткізгіштер шығаратын компаниялардың акциялары да қымбаттады.

Тегтер #Азия #қор нарығы #24KZ