Сауд Арабиясының әуе қорғанысы хуситтер атқан екі баллистикалық зымыранды қағып түсірді.
Зымыранның бірі ел астанасы Риядтың солтүстігінде, екіншісі оңтүстіктегі Хамис-Мушайт қаласы маңында жойылған. Бұл туралы корольдіктің әскери-әуе күштерінің офицері Турки әл-Мәлики хабарлады. Айта кетейік, Сауд Арабиясы Йемен үкіметінің Қызыл теңіз жағалауындағы аумақтарды қайтару операциясына әуеден қолдау көрсетіп жатыр. Хуситтер осыған ерегісіп корольдік аумағына қайта-қайта шабуылдайды. Бұған дейін қарулы топ Риядтағы халықаралық әуежай мен мұнай нысанын атқылаған.
Тегтер #хуситтер #Сауд Арабиясы #шабуыл #ТаңдаулыPhone: +7 (7172) 757 485
E-Mail: 24kz@khabar.kz