Түркі әлемі жастарының бірлігін күшейту қажет. Бұл бауырлас елдердің қарым-қатынасын нығайтып, қарқынды дамуына мүмкіндік береді. Алматыда алғаш рет өткен Түркі дүниесі жастарының форумына қатысушылар осылай дейді. Шараны ТҮРКСОЙ халықаралық ұйымы мен Әл-Фараби атындағы Қазақ ұлттық университеті бірлесіп ұйымдастырды.
Форум түркітілдес халықтар арасындағы мәдени, ғылыми ынтымақтастықты жақсартуға мүмкіндік береді. Жиынға 25 мемлекеттен 200-ге жуық жас келді. Олар көңіл көкжиегін кеңейтетін сұхбат құрып, ой-пікірлерін ортаға салды. Әрқайсысы өз елінің салт-дәстүрі мен мәдениетінен хабар беретін жобаларды таныстырды. Іс-шара аясында шетелдік меймандар Алматының көрікті жерлерін де аралап, туристік әлеуетінен хабардар болды.
Абай Мұратұлы, форумға қатысушы:
- Моңғолиядан жалпы бір қазақ азаматы және кіші ұлттардан халтун деп айтамыз, тува, саха, кіші ұлттардан жастар келіп қатысып жатырмыз. Барлығы 7 азамат. Бұл форумға мәдениет жағынан ұлттық аспап, би, мәдени шараларымызды алып келдік. Моңғол қазақтары не істеп жатыр? Мәдениетін, тілін қорғау жайлы шараларды таныстырдық. Оның өзі басқа мемлекеттерге ерекше болды деп ойлаймыз.
ТегтерPhone: +7 (7172) 757 485
E-Mail: 24kz@khabar.kz