Театр алыбы Есмұхан Обаев өмірден озды

Қазақстанның халық әртісі Есмұхан Обаев өмірден озды. Қазаны Мәдениет және ақпарат министрлігі естіртті.

Көрнекті режиссер, ұлағатты ұстаз, Қазақ CCР-нің халық артисі, Қазақ ССР-нің еңбек сіңірген өнер қайраткері, «Тарлан» тәуелсіз сыйлығының, «Парасат» және «Барыс» ордендерінің иесі болған қайраткер саналы ғұмырында ұлт мәдениетіне қызмет етті. Қазақтың театр өнерін асқақтатты. Ол Мұхтар Әуезов атындағы Қазақ мемлекеттік драма театрының қоюшы-режиссері, Ғабит Мүсірепов атындағы Балалар мен жасөспірімдер театрының режиссері, Семейдегі Абай атындағы қазақ драма театрының көркемдік жетекшісі және бас қоюшы-режиссері қызметтерін атқарды.

Профессордың бейнесі ел жадында мәңгі сақталып,  мұрасы қазақ театрының алтын қорын байытып тұрары анық. 

Тегтер #театр #халық әртісі #Есмұхан Обаев #Мәдениет және ақпарат министрлігі