Қарағандының Костенко шахтасында өрт бола жаздады

Қарағанды облысындағы Костенко атындағы шахтада өрт шыға жаздады.

Оқыс жағдай кезінде жер астында 194 кенші болған. Барлығы да сыртқа шығарылды. Зардап шеккендер жоқ. Төтенше жағдайлар министрлігінің таратқан мәліметіне сәйкес, 4-конвейер түтіндеген. Сол сәтте шахтаның электрослесары Айбар Қосанов тілсіз жаудың тұтануына жол бермеген. Қатер туралы кезекшілік қызмет те дабыл беріп ескерткен. Кеніш астында 7 маман бақылау жұмыстарын жүргізуде. Олардың өміріне қауіп жоқ.