Алматы облысында жол апатынан 25 турист жарақат алды

Алматы облысында туристер мінген автобус аударылып, 25 адам зардап шекті, деп хабарлайды 24KZ.

Көлік Кеген ауданында «Аласа» асуының маңындағы бұрылыс кезінде жолдың шетіне шығып кеткен. Түрлі жарақат алған 5 адам сол ауданның ауруханасына жеткізілді. Тағы 16 адам Жалаңаш дәрігерлік амбулаториясына, 4 адам Шелек аудандық ауруханасына жатқызылды. Зардап шеккендердің жағдайы қанағаттанарлық, ал 4 адам орташа ауыр жарақат алған. Қаза тапқандар жоқ. Жол апатының себебі анықталып жатыр.