Ақмола облысында көктайғақ салдарынан бір мезетте 40 көлік соқтығысты

Оқиға Көкшетау – Астана бағытындағы күре жолдың Қоғам мен Қаратал ауылдары ортасында болды, деп хабарлайды 24kz.

Қазір жол апатынан зардап шеккендердің бар-жоғы анықталып жатыр. Соңғы екі тәулік бойы өңірде ауа райы күрт құбылып тұр. Қар аралас жаңбыр жауып, кей аймақтарға тұман түскен. Сондықтан полицейлер алыс жолға шыққанда сақ болу қажеттігін ескертеді.