Түркістан облысы Ордабасы ауданында бірнеше ай бойы өз құқығын қорғап жүрген мұғалім Хасен Ерімбетов сот залында өзіне зақым келтірді, деп хабарлайды «24KZ».
Оқиға 3 маусым күні Ордабасы аудандық сотында орын алған.
Хасен Ерімбетовтың білім беру саласында 24 жылдық еңбек өтілі бар. Педагогтың айтуынша, ол заңсыз жұмыстан босатылғанына байланысты мемлекеттік органдардан әділ шешім ала алмаған. Сот отырысында қаралған іс бойынша оған 5 тәулікке әкімшілік қамау жазасы тағайындалғаннан кейін, мұғалім өз наразылығын білдіріп, өз-өзіне зақым келтірген.
«Мен Ордабасы аудандық сотынан әділдік іздеп келгем. Мені заңсыз жұмыстан шығарып жіберген. Өзімді ақталып, бар нәрсені айтсам да мені 5 күнге қамап отыр», деді Хасен Ерімбетов.
Қазіргі уақытта жағдайға қатысты ресми органдардың қосымша түсініктемесі нақтылануда.
Тегтер #Түркістан облысы #сот #мұғалім #қол салды #24жаңалықтар #24KZ
Phone: +7 (7172) 757 485
E-Mail: 24kz@khabar.kz