Астана – Петропавл тасжолында Mercedes-Benz Sprinter микроавтобусы мен ГАЗ-53 көлігі соқтығысып, екі адам қаза тапты, деп хабарлайды 24KZ.
Полицияның мәліметінше, жол-көлік оқиғасы 10 тамызда Астана – Петропавл автожолының 97-шақырымында болған. Апат салдарынан Mercedes-Benz Sprinter көлігінің екі жолаушысы оқиға орнында қаза тапқан.
Тағы жеті жолаушы мен ГАЗ-53 көлігінің бір жолаушысы түрлі дене жарақаттарымен медициналық мекемеге жеткізілді.
Аталған факті бойынша қылмыстық іс қозғалып, сотқа дейінгі тергеу басталды. Mercedes-Benz Sprinter жүргізушісі ұсталып, уақытша ұстау изоляторына қамалды.
Қазір жол-көлік оқиғасының мән-жайы мен себептері анықталып жатыр. Тергеу қорытындысы бойынша процессуалдық шешім қабылданады.
Полиция жүргізушілерді жол қозғалысы ережелері мен белгіленген жылдамдық режимін сақтауға, сондай-ақ көлік тізгінінде барынша мұқият болуға шақырды.
Тегтер #Астана #Петропавл #көлік апаты #24жаңалықтар #24KZPhone: +7 (7172) 757 485
E-Mail: 24kz@khabar.kz