Алматы облысында 20 жеке сот орындаушысының букмекерлік кеңселердегі ойын шоттарын тұрақты түрде толықтырып, құмар ойындарға жүйелі түрде қатысқаны анықталды, деп хабарлайды 24KZ Қазақстан Бас прокуратурасына сілтеме жасап.
Тексеру барысында олардың ойын шоттарына аударған қаражатының жалпы көлемі 180 млн теңгеге жуық болғаны белгілі болды.
Мәселен, жеке сот орындаушыларының бірі үш жыл ішінде ойын шотына 139 млн теңге, тағы бірі 26 млн теңге аударған.
Жария - маңызды функцияларды жүзеге асыратын тұлғалардың осындай көлемдегі қаражатпен құмар ойындарға қатысуы кәсіби әдеп қағидаттарына қайшы келеді және қоғамның жеке сот орындаушылары институтына деген сеніміне кері әсер етеді, - делінген хабарламада.
Анықталған фактілер бойынша прокурорлық қадағалау актілері Алматы облысының Әділет департаменті мен Жеке сот орындаушыларының өңірлік палатасына жолданды. Құзырлы органдар алдында заңда көзделген шараларды қабылдау мәселесі көтерілді.
Тегтер #құмар ойын #Жеке сот орындаушысы #24жаңалықтар #24KZPhone: +7 (7172) 757 485
E-Mail: 24kz@khabar.kz