Алматыда аудандық полиция басқармаларының бірінің ғимаратына жарылғыш зат қойылғаны туралы жалған хабар берген 56 жастағы ер адам ұсталды, деп хабарлайды 24KZ.
Хабарлама түскеннен кейін оқиға орнына шұғыл қызметтер жетіп, ғимарат пен оған іргелес аумақты тексерді. Тексеру барысында жарылғыш заттар, жарылғыш құрылғылар мен оқ-дәрілер табылған жоқ.
Сотқа дейінгі тергеу кезінде полицейлер жалған хабар берген адамды анықтады. Ол 56 жастағы ер адам болып шықты. Ол шын мәнінде ешқандай жарылғыш құрылғы қоймағанын және ғимаратқа бомба қойылғаны туралы хабарламаны қасақана жасағанын мойындады.
Ер адам ұсталып, уақытша ұстау изоляторына қамалды. Аталған факті бойынша қылмыстық іс қозғалды, – деп хабарлады полиция.
Полиция мұндай хабарламалардың барлығы нақты қауіп ретінде қабылданатынын ескертеді. Жалған ақпарат арнайы қызметтердің уақытын алып қана қоймай, азаматтардың қауіпсіздігіне алаңдаушылық туғызады және заң бойынша жауапкершілікке әкеп соғады.
Тегтер #24KZ #24жаңалықтар #полиция #бомба #жарылғыш затPhone: +7 (7172) 757 485
E-Mail: 24kz@khabar.kz