Елордада Instagram пен WhatsApp арқылы жылқының сүрленген етін арзан бағамен сатамын деп, азаматтарды алдаған кәсіпкер сотталды, деп хабарлайды «24KZ».
Алаяқ сенімге кіру үшін бұрынғы орындалған тапсырыстар мен оң пікірлерді пайдаланып, алдын ала төлем жинаған, бірақ тауарды жеткізуді мүлде ниет етпеген. Түскен қаражатты ол өзінің жеке қажеттіліктеріне жұмсаған.
Қылмыстық әрекет салдарынан 31 адамға жалпы сомасы 1,7 миллион теңгеден астам шығын келтірілді. Сотта прокурор күдіктінің кінәсін толық дәлелдеді. Келтірілген залалдың толық өтелгені ескеріліп, сот үкімімен ол 2 жыл 8 ай мерзімге бас бостандығын шектеу жазасына кесіліп, пробациялық бақылау белгіленді.
Қазіргі таңда сот үкімі заңды күшіне енді. Осыған байланысты елорда прокуратурасы тұрғындарды әлеуметтік желілерде аса сақ болуға және бейтаныс сатушыларға алдын ала ақша аудармауға шақырады.
Phone: +7 (7172) 757 485
E-Mail: 24kz@khabar.kz