Оралда екі жасөспірім көпқабатты үйдің шатырынан құлап қаза тапты

Оралда 6 қазан күні кешке екі жасөспірім көпқабатты тұрғын үйдің шатырынан құлап, қаза тапты, деп хабарлайды 24KZ mgorod.kz-ке сілтеме жасап.

Қаза болған жасөспірімдер 2010 және 2012 жылы туған.

Батыс Қазақстан облысының полиция департаменті бұл факті бойынша сотқа дейінгі тергеу басталғанын хабарлады. Қазір құқық қорғау органдары оқиғаның себептері мен мән-жайын анықтап жатыр.

Тергеу барысы БҚО полиция департаменті мен прокуратура басшылығының бақылауында. Қылмыстық-процестік кодекстің 201-бабына сәйкес, әзірге өзге ақпарат жарияланбайды, - делінген полиция хабарламасында.

Тегтер #24жаңалықтар #24KZ #Орал #көпқабатты үй #өлім