Әскери-теңіз күштерінің бас қолбасшысы ауысты

Мемлекет басшысының өкімімен Қазақстан Республикасының Қарулы Күштері Әскери-теңіз күштерінің бас қолбасшысы ауысты.

Бұл туралы Ақорданың баспасөз қызметі хабарлады.

Мемлекет басшысының өкімімен Серік Жақсығалиұлы Борамбаев Қазақстан Республикасының Қарулы Күштері Әскери-теңіз күштерінің бас қолбасшысы лауазымына тағайындалды – делінген хабарламада.

Сонымен қатар, Ақорда бұған дейін бұл қызметті атқарған Сәкен Бекжанов қызметінен босатылды.

Мемлекет басшысының өкімімен Сәкен Мансұрұлы Бекжанов Қазақстан Республикасының Қарулы Күштері Әскери-теңіз күштерінің бас қолбасшысы лауазымынан босатылды – делінген хабарламада.