Былтыр «Қазатомөнеркәсіп» холдингі 26 мың тоннаға жуық уран өндірді. Соның ішінде компанияға 13,5 мың тоннасы тиесілі.
Бұл туралы Президенттің қабылдауында болған «Қазатомөнеркәсіп» басқарма төрағасы Мейіржан Юсупов мәлімдеді. Оның айтуынша, сауда-саттық 11 пайызға өсіп, 18,5 мың тонна болды. Енді геологиялық барлау қарқын алды. Жалпы ауданы 1 мың шаршы шақырымнан асатын алты жаңа перспективалы уран учаскесі анықталды. Ал 2030 жылға дейін геологиялық барлауға жоспарланған инвестициялардың жалпы көлемі 75-85 миллиард теңгені құрайды. Уран өндіруші өңірлерді әлеуметтік қолдау туралы ақпарат ұсынылды. Мәселен, былтыр облыстардың әлеуметтік-экономикалық дамуына 11 миллиард теңгеден аса қаражат бөлді. Мемлекет басшысы ресурстық базаны одан әрі дамыту, халықаралық ынтымақтастықты кеңейту жөнінде бірқатар тапсырма берді.
Тегтер #Мемлекет басшысы #Қазатомөнеркәсіп #мейіржан юсуповPhone: +7 (7172) 757 485
E-Mail: 24kz@khabar.kz