Әлем парламенттеріндегі депутаттық орындардың 27,5% әйелдерге тиесілі. Мұндай статистика Қазақстанның саяси өміріне әйелдердің қатысуын кеңейтуге арналған тренингте таныстырылды.
Біріккен Ұлттар Ұйымы ұйымдастырған оқуға елдің түкпір-түкпірінен 60 қыз-келіншек келді. Олар отандық және шетелдік сарапшылардың көмегімен әртүрлі саяси үдерістерді жобалайды. Пікірталасқа қатысып, сайлаушылармен кездесу өткізіп, сайлауалды бағдарламаларды жасауды үйренеді. Қазір қазақ Парламентінде әйел депутаттардың саны 18 пайызға жетті. 3 министрлікті әйел адам басқарады. Ұйымдастырушылар мұндай тренингтер саяси саладағы жұмысқа болашақ мамандарды әйелдер арасынан даярлауға мүмкіндік береді деп санайды.
Джерен Гювен Гюрэш, «БҰҰ-әйелдер» құрылымының Орталық Азиядағы үйлестіру кеңсесінің басшысы:
- Қазақстан Президенті гендерлік теңдік мәселесіне ерекше көңіл бөледі. Бірнеше айдан соң Парламенттік сайлау болады және біз тренингттің арқасында сайлауалды жарысқа қатысуға дайын әлеуетті үміткерлерді оқытуға қуаныштымыз.
Тегтер #хабар24 #жаңалықтар #парламент #қазақ әйелдеріPhone: +7 (7172) 757 485
E-Mail: 24kz@khabar.kz