АҚШ-та тұратын Қазақстан азаматтары 23 тамызда Құрылтай сайлауында дауыс бере алады. Саяси науқан қарсаңында елде Вашингтон, Нью-Йорк және Сан-Францискода сайлау учаскелері жұмыс істейді.
Америка Құрама Штаттарындағы Қазақстан азаматтары да Құрылтай сайлауы ел болашағына тікелей ықпал ететінін жақсы түсінеді. Олардың арасында «Болашақ» бағдарламасымен оқып жүрген жастар да бар. Студенттер жуырда ғана Америкадағы Қазақсан елшісімен кездесіп, еліміздегі саяси өзгерістерге қатысты ойларын ортаға салды.
Есенғазы Тұралин, «Болашақ» стипендиясының иегері:
- Елде болып жатқан саяси үлкен өзгерістер мемлекеттің дамуына үлкен септігін тигізеді. Соған біз келіп, даусымызды беріп, атсалысуға міндеттіміз деп ойлаймын. Елшілік бізге жағдай жасайды. Біз келіп, дауыс береміз.
Вашингтонда дауыс беретін азаматтар сайлаушылар тізіміне енгізіледі. Нөмірі 413-учаскеге тіркелу үшін елшілік сайтындағы сауалнаманы толтыру қажет. Дауыс беру кезінде төлқұжат, жеке куәлік немесе eGov Mobile-дегі цифрлық құжатты көрсетуге болады».
Айгүл Игебаева, «Болашақ» стипендиясының иегері:
- АҚШ-тағы учаскелер Вашингтон, Нью-Йорк және Сан-Франциско қалаларында 23 тамызда ашылады. Дауыс беру уақыты мен мекен жайлары туралы толық ақпарат Қазақстанның АҚШ-тағы елшілігі мен бас консулдықтарының ресми сайттарында көрсетілген.
Авторы: Темірлан Нұржанұлы
Тегтер #хабар24 #жаңалықтар #АҚШ #құрылтай 2026Phone: +7 (7172) 757 485
E-Mail: 24kz@khabar.kz