Ләззат Танысбай «Хабар» Агенттігінің Басқарма төрайымы болып тағайындалды

Ләззат Танысбай «Хабар» Агенттігі» АҚ Басқарма төрайымы қызметіне тағайындалды, деп хабарлайды «24KZ».

Ләззат Танысбайдың телевизия саласындағы кәсіби тәжірибесі 30 жылдан асады. Әр жылдары «Астана» телеарнасын, «НҰР-Медиа» медиахолдингін, «Қазақстан» РТРК» АҚ және «Еуразия» телеарнасын басқарды, сондай-ақ Қазақстан Республикасы Байланыс және ақпарат министрлігінде қызмет атқарды.

«Хабар» Агенттігінің Басқарма төрайымы ретінде Ләззат Танысбайға агенттіктің қалыптасқан әлеуетін сақтай отырып, негізгі қызмет бағыттарын кезең-кезеңімен жаңғырту және «24KZ» телеарнасының басты қоғамдық-саяси арна ретіндегі позициясын нығайту міндеті қойылып отыр. 

Кемелбек Ойшыбаев «Хабар» Агенттігі төрағасы қызметінен босатылды. 

«24KZ» Telegram-арнасына жазылыңыз

Тегтер #24жаңалықтар #24KZ