Халық Кеңесі билік пен бұқараны байланыстырады

Қазақстан Халық Кеңесі - билік пен бұқара арасын байланыстыратын алтын көпір. Заңгер, қоғам белсендісі Аржан Садуақас осылай дейді. 

Жаңа құрылым қоғамдағы саяси, әлеуметтік мәселелерді терең зерттеп, оны шешу жолын ұсынатын алаңға айналады. Қажет болса, құрылтай қабырғасында заң жобасын жасауға жәрдемдеседі.

Аржан Садуақас, заңгер:

- Қазақстанның Халық кеңесі қандай да бір министрлікті, әкімдікті немесе басқа мемлекеттік органды алмастырмайды және олардың функцияларын өзіне алмайды. Бұл жерде Халық кеңесі – азаматтарымыздың билікке деген өкілдігі. Елімізде болып жатқан әртүрлі әлеуметтік-саяси мәселелерді Халық кеңесі бірлесіп, ғылыми тұрғыдан зерттейді. Сондай-ақ Құрылтайға «бізге осындай заң керек» деген ұсыныспен заң жобасын ұсына алады.

Тегтер #билік #заң жобасы #Қазақстан Халық Кеңесі #заңгер