Қазақстан мен Сербия Үкіметтері арасындағы әскери-техникалық ынтымақтастық туралы келісім ратификацияланды, деп хабарлайды «24KZ».
Тиісті құжат 2023 жылғы 29 қарашада Белград қаласында жасалған болатын. Бұл келісім екі ел арасындағы әскери-техникалық байланыстарды тең құқылық негізінде және ұлттық заңнамаға сәйкес өзара тиімді бағытта дамытуға жол ашады. Құжат аясында тараптардың бір-біріне әскери мақсаттағы өнімдерді жеткізуі көзделген.
Оған қару-жарақ пен әскери техника, тиісті жұмыстар мен көрсетілетін қызметтер, зияткерлік қызмет нәтижелері, соның ішінде оларға арналған айрықша құқықтар, сондай-ақ әскери-техникалық саладағы өзара ақпарат пен құжаттама кіреді. Аталған келісімді ратификациялау еліміздің қорғаныс-өнеркәсіп кешенін одан әрі дамытуға қолайлы жағдай туғызады деп күтілуде.
Тегтер #Сербия #әскери техника #24жаңалықтар #24KZPhone: +7 (7172) 757 485
E-Mail: 24kz@khabar.kz